ضغط الدم المرتفع: ماهو وكيف تعرف أنك مصاب به؟
ضغط الدم المرتفع، أو زي ما بنقول عليه الضغط العالي، هو حالة بيحصل فيها إن الدم بيضغط على جدران الشرايين أكتر من الطبيعي. ده ممكن يسبب مشاكل صحية كبيرة وربما خطيرة زي أمراض القلب أو السكتة الدماغية لولميعالج أو ترك من غير متابعة.
إزاي تعرف إن عندك ضغط دم مرتفع؟
للأسف، الضغط العالي له لقب شائع وهو “القاتل الصامت” لأنه غالبًا مبيظهرش ليه أعراض واضحة. يعني ممكن الشخص يكون عنده الضغط عالي من غير ما يحس بأي حاجة. علشان كده، لازم تقيس الضغط بشكل منتظم، سواء في البيت بجهاز قياس الضغط أو عند الدكتور. وأغلب مرضى ضغط الدم عرفو بالمصادفة عند أجراء الفحص الروتينى لسببمن الأسباب.
إيه المعدلات الطبيعية للضغط؟
- الضغط الطبيعي: 120/80 ملم زئبق.
- لو الضغط يوصل لـ 140/90 ملم زئبق أو أكتر بشكل مستمر، ده يعتبر ضغط عالي.
طيب إيه العلامات اللي ممكن تكون مؤشر خطر؟
في بعض الحالات الشديدة، ممكن تحس بحاجات زي:
- صداع شديد.
- دوخة أو زغللة في العين.
- ألم في الصدر.
- صعوبة في التنفس.
- خفقان سريع في القلب.
لو حسيت بأي من الأعراض دي، أو لو قياس الضغط طلع عالي، لازم تروح لدكتور فورًا.
نصيحة:
الضغط العالي يمكن تحكم فيه بالعلاج والأكل الصحي، زي تقليل الملح والدهون، وممارسة الرياضة، وتقليل التوتر. متابعة دورية عند الدكتور مهمة جدًا علشان تتجنب أي مشاكل مستقبلية.
